Ideat Prattiċi għall-Ġenituri ta' Trabi tat-Twelid

Ideat prattiċi għall-ġenituri ta' trabi tat-twelid

Ħares lejja

Biex issir taf dejjem aktar it-tarbija tiegħek, ħares sew lejha b’interess. B’hekk issir aktar konxja ta’ dak li t-tarbija tkun qed tipprova tikkomunika u l-mod kif tikkomunika magħha jgħin lit-tarbija tagħmel sens mid-dinja ta’ madwarha. Meta t-tarbija tagħmel xi ħsejjes b’ħalqha, tgħid xi kelma jew tkanta, ħares lejn l-espressjonijiet li tagħmel b’wiċċha, innota l-mossi tagħha hi u tuża’ idejha, saqajha jew ġisimha kollu biex tesprimi ruħha.

Dan hu eżempju ta’ interazzjoni ħelwa bejn l-omm u t-tarbija. L-omm qed tirrepeti dak li tesprimi t-tarbija u min-naħa tagħha, it-tarbija tkompli tikkomunika u tgawdi l-interazzjoni feliċi.

Rumble Viral

([email protected])

Ismagħni

Hekk kif tarbija titwieled, isma’ u ipprova ifhem kull ħoss li tagħmel. Il-ġenituri u oħrajn li jkunu preżenti fil-ħajja tat-tarbija jitgħallmu jiddistingwu l-ħsejjes differenti tal-biki – jekk it-tarbija għandhiex bżonn tixrob, ħarqa nadifa jew torqod. B’mod istintiv il-ġenituri ikunu jafu jekk it-tarbija tkunx skomda jew muġugħa.

Minn Janellevideo

L-abbandun

Din l-edizzjoni tas-serje InBrief tispjega l-ħsara li ssir meta tarbija tkun abbandunata fl-aktar snin bikrin tal-ħajja u għaliex interventi effettivi iħallu effetti u fit-tul fit-tagħlim, is-saħħa u t-trobbija tat-tfal.

Minn InBrief

Serve and Return

L-ewwel erba’ snin tal-ħajja ta’ tarbija huma kruċjali għall-iżvilupp ta’ moħħha. Matul dawn is-snin fil-moħħ isir l-akbar żvilupp fl-oqsma tas-smigħ, il-viżjoni, il-lingwa u l-komunikazzjoni. Il – ġenituri jridu jkunu konxji li l-interazzjoni mat-tarbija hija waħda mill-iktar affarijiet importanti li jistgħu jagħmlu magħha.

Minn UMN – CEHD